Joriy yilning 11-aprel kuni O‘zbekiston Respublikasi Prezidenti Shavkat Mirziyoyev raisligida “Yoshlar siyosati sohasidagi ishlar natijadorligini oshirish hamda ular bilan ishlash tizimini yanada takomillashtirish chora-tadbirlari” bo‘yicha o‘tkazilgan videoselektor yig‘ilishidagi topshirig‘iga binoan, Chirchiq davlat pedagogika universiteti rahbariyati tomonidan Chirchiq shahrida indivudial biriktirilgan yoshlarning hayotda o‘z o‘rnini topishi uchun munosib sharoitlar yaratish, ularni har tomonlama qo‘llab-quvvatlash borasida izchil amaliy tadbirlar amalga oshirilmoqda. 

     Xususan, yoshlarning holidan xabar olish va ularning ijtimoiy qo‘llab-quvvatlash maqsadida universitetimiz rektori G‘ofurjon Muxamedov boshchiligidagi universitet vakillari Chirchiq shahrida biriktirilgan yoshlar xonadoniga tashrif buyurishdi. Suhbat davomida yoshlar bilan yaqindan muloqot qilindi, ularni qiynayotgan muammolar o‘rganildi.  

     Shuningdek, yoshlar va ularning ota-onalari ham ko‘rsatilayotgan manzilli yordam hamda qator muammolarini yechishdagi amaliy ko‘mak uchun minnatdorchilik bildirishdi.