Pedagogika fakultetida yangi o‘quv yiliga tayyorgarlik doirasida Indoneziya OTM vakillari bilan muloqot tashkil etildi.  

    ZOOM platformasi orqali tashkil etilgan muloqotda Chirchiq davlat pedagogika universiteti fakultetlari rahbariyati, Pedagogika fakulteti kafedra mudirlari, yetakchi o‘qituvchilar hamda Indoneziyaning qator universitetlari mas’ul vakillari, Negeri Malang universiteti rektori Dr.Ediyanto va shu universitet xalqaro aloqalar departamenti rahbari ishtirok etdi. 

    Muloqotda bugungi kunda Chirchiq davlat pedagogika universitetida xalqaro darajada pedagog kadrlar tayyorlash jarayonlari, jumladan inklyuziv ta'lim tizimida talabalarning xalqaro mahorati oshirish muammolari va ularning yechimlari, shuningdek, ushbu tizimni takomillashtirish bo‘yicha fikr-mulohazalar almashildi. "Maxsus pedagogika (surdotarjimonlik)" ta’lim yo‘nalishi talabalariga xalqaro surdo tili sanalgan - "Gestuno" xalqaro tilni o‘zlashtirish zaruriyati borligi ta’kidlandi.

    Negeri Malang universiteti rektori, o‘z navbatida, oliy ta’lim muassasasining Indoneziyadagi va xalqaro maydondagi uzoq yillik tajribasi to‘g‘risida batafsil ma’lumot berdi. Indoneziya tomoni, shuningdek, qo‘shma SKOPUS konferensiyasi o‘tkazish tashabbusini ilgari surdi.

    Dr. Ediyanto ikki universitet o‘rtasida "Maxsus pedagogika (curdotarjimonlik)" va "Menejment" ta’lim yo‘nalishlarida magistratura dasturlarini amalga oshirish imkoniyatlarini o‘rganish uchun Negeri Malang rahbariyatining O‘zbekistonga tashrifini tashkil etish rejalarini ma’lum qildi. U hamkorlikning birinchi qadami sifatida o‘zbekistonlik bir nafar talabaga ta’lim granti ajratilishini ta’kidladi. Hamkorlikda nemis tili ta’limini ham rivojlantirishga urg‘u berdi.

    Uchrashuv yakunida tomonlar Indoneziya tomonidan bildirilgan takliflarni ChDPU rahbariyati bilan muhokama qilish to‘g‘risida kelishib oldi.