1-noyabr kuni A.Qodiriy nomli JDPI "Fizika va texnologik taʼlim" fakulʼteti, "Tasviriy sanʼat va muhandislik grafikasi" kafedrasi va Toshkent viloyati, ChDPI "Tasviriy sanʼat" kafedrasi bilan birgalikda "Hamkorlikda yangi marralar sari" nomli talabalar ijodiy koʻrgazmasi boʻlib oʻtdi. 

Ushbu koʻrgazmada har ikkala institut talabalari oʻz ijodiy ishlari bilan faol ishtirok etdi. Koʻrgazmadan maqsad, talaba yoshlarning oʻz iqtidorini namoyish etishi, ijodiy ilhom olishi va orttirishdan iborat boʻldi.

Turli janr va mavzuda namoyish etilgan tasviriy va amaliy sanʼat asarlari, oʻziga xos ranglar jilosi va betakrorligi bilan tomoshabinlar eʼtiborini tortdi. Koʻrgazmada JDPI rektori Sh.S.Sharipov ishtirok etib, ijodkor yoshlar bilan oʻzaro hamsuhbat boʻldi va kelgusi ijodiy ishlariga yuksak barkamollik tiladi.

Ushbu koʻrgazmadan barcha institut oʻqituvchilari va talabalari bahramand boʻlishdi. Bunday koʻrgazmalar kelgusida davomli boʻlishi rejalashtirildi. Kafedra o‘qituvchilari: X.E. Sultanov, R.T. Ankabaev, B.B. Kukievlarning ta’lim klasteri hamkorligidagi ilmiy-tadqiqot ishlari bo‘yicha tajriba-sinov ishlari ham o‘tkazildi.