Kutubxonachilar kuni dam olish kuni sifatida belgilanmagan bo‘lsa-da, bu sana nafaqat kutubxonachilar uchun, balki oddiy kitobxonlar uchun ham alohida ahamiyatga ega.

    Chirchiq davlat pedagogika universitetida ushbu sana munosabati bilan bayram tadbiri bo‘lib o‘tdi. Tadbirda universitet rektori, professor G‘ofurjon Muxamedov ishtirok etdi. Universitet rahbari kutubxonachilar va kitobxonlarni samimiy tabrikladi.

    "Faoliyatim davomida ko‘p bora ayrim kishilar tomonidan: «Kutubxonachilarning kitob tarqatish va qabul qilishdan boshqa qanaqa ishi bo‘lishi mumkin, 4 ta kitobni u yoqdan bu yoqqa olaverib kunni kech qilishadi», degan gaplarini eshitganman. Ana shunday o‘ylaydiganlarning kutubxonachilarga nisbatan fikrlarini o‘zgartirish uchun ham Universitetda kutubxonachilarning kunini har yili nishonlaymiz. Kutubxonachilarimiz faoliyatini har kuni qadrlaymiz", dedi universitet rektori G‘ofurjon Muxamedov.

    Universitet Kasaba uyushmasi rahbari universitet jamoasi nomidan ARM xodimlariga tog‘li hududlarga sayyohat qilish imkonini beruvchi sertifikatni topshirdi. Bayram tantanali konsert dasturi bilan yakunlandi.