Chirchiq davlat pedagogika universiteti Pedagogika kafedrasi o‘qituvchisi Sharaxmatova Anora Komiljon qizi 2025 yil 25–27 iyun kunlari Moskva shahrida bo‘lib o‘tgan “Психология. Лето. Наука 2025” nomli yozgi intensiv-maktabida ishtirok etish uchun 300 dan ortiq ishtirokchilar ichidan tanlov asosida saralab olindi.

     Mazkur ilmiy-amaliy tadbir M.V. Lomonosov nomidagi Moskva davlat universiteti hamda Psixologik va fanlararo tadqiqotlar federal ilmiy markazi hamkorligida tashkil etilib, unda ishtirokchilarga zamonaviy psixologik tadqiqot metodlari, ilmiy dizayn yaratish, diagnostika metodikalarini ishlab chiqish va ularni approbatsiya qilish, shuningdek, tajriba-sinov jarayonlarida maxsus statistik tahlil dasturlaridan foydalanish bo‘yicha chuqur nazariy va amaliy bilimlar berildi.

     Mashhur olimlar va tajribali professor-o‘qituvchilar tomonidan o‘tkazilgan interaktiv ma’ruzalar, treninglar hamda tajriba mashg‘ulotlari ushbu maktabning asosiy ustunliklaridan biri bo‘lib, ishtirokchilarning kasbiy va ilmiy salohiyatini yanada mustahkamlashga xizmat qildi.