27-mart kuni Biologiya kafedrasi tomonidan universitetda o‘tkazib kelinayotgan individual ta’lim trayektoriyasi negizida “Individual ta’lim muhitida tadqiqotchi talabadan kreativ pedagog tayyorlash” loyihasi taqdimoti bo‘lib o‘tdi.

     Tabiiy fanlar fakulteti strategiyasi sanalgan “Eshitdim, ko‘rdim, bajardim” tamoyiliga asoslangan Biologiya kafedrasi tomonidan “Indivudual ta’lim muhitida tadqiqotchi talabadan kreativ pedagog tayyorlash" nomli tadbiri o‘tkazildi. 

     Strategiyaning birinchi qismida biologiya ta’lim yo’nalishi talabalari tomonidan tashkil etilgan “Nerv sistemasi” mavzusida mahorat darsi namoyish etib berildi. Dars davomida talabalar tomonidan “4+2” pedagogik amaliyot davomida olib borayotgan pedagogik faoliyati hamda ushbu faoliyatda foydalanilayotgan zamonaviy pedagogik texnologiyalarni namoyish etib berildi. Shu bilan bir qatorda “Xalqaro o’qituvchi” tayyorlash uslublari ham namoyish etib berildi.

     Tadbirning ikkinchi bosqichi “Talabarda tadqiqotchilik ko’nikmalarini shakllantirish”ga oid uslublar hamda tadqiqot natijalari namoyish etib berildi. Tadbirning uchunchi bosqichi esa “Biologiya orqali investitsiya va innovatsiya” deb nomlanib unda talabalar tomonidan qo’shimcha kasbga o’rgatish asosida olingan bilim va ko’nikmalari namoyish etib berildi. Bu jarayonda kafedra qoshida tashkil etilgan qo’ziqorin yetishtirish, atmosfera havosini tozlashga qaratilgan “suyuq daraxt”, gulchulik, issiqxona xo’jaligini tashkil etish, kivi yetishtirish kabi talabalar tomonidan namoyish etilgan loyihalar tadbir ishtirokchilarida katta qiziqish uyg’otdi. 

     Bundan tashqari tadbir so’ngida talabalar tomonidan fanlararo integratsiya asosida tabiiy fanlarni o’qitish borasidagi tajribalar ham namoyish etib berildi, bu tadbir ishtirokchilarda katta qiziqish uyg’otdi.