Universitet delegatsiyasining Indoneziyaga tashrifi davom etmoqda. Delegatsiya a’zolari Indoneziya pendidikan universitetining Sumedang kampusiga tashrif buyurishdi. Indoniziyaning so‘lim tog‘ yonbag‘rida joylashgan Sumedang kampusida Boshlang‘ich ta’lim, Boshlang‘ich ta’limda ingliz tilini xorijiy til sifatida o‘qitish, Sport va sog‘lomlashtirish, Turizm sanoati va Hamshiralik yo‘nalishlari o‘z faoliyatini olib borishadi. Tashrif davomida ChDPU professor-o‘qituvchilari indoniziyalik hamkasblari bilan universitetlar o‘rtasida kredit almashinuv jarayonini tashkil qilish masalalarini muhokama qilishdi. Turizm sanoati yo‘nalishi rahbari doktor Irina Novarliya bilan ilmiy tadqiqotlar bo‘yicha hamkorlik masalalarini muhokama qilindi va aniq vazifalar belgilab olindi. Sumedangdagi ta’lim yo‘nalishlarining o‘quv rejalari, o‘quv fan dasturlari va talabalarni o‘quv-axborot manbalari bilan to‘laqonli ta’minlash masalalari bo‘yicha o‘zaro tajriba almashildi. Tashrif oxirida Sumedang kampusi professor-o‘qituvchilari va talabalarining mamlakatimizdagi ta’lim tizimi, o‘zaro hamkorlik masalalari bo‘yicha qiziqtirgan savollariga javoblar berildi.