Chop etdi: OTM axborot xizmati | Ko'rildi: 116 marta
Tegishli bo'limi: Talabalar uchun
2024-yil 13-iyun kuni Pedagogika fakulteti Maxsus pedagogika hamda Menejment kafedralarining Individual ta’lim bo‘yicha olib borilgan ishlari sarhisobi yuzasidan ilmiy-amaliy tadbir o‘tkazildi.
Maxsus pedagogika kafedrasida talabalarning individual ta’limi 2 yo‘nalishda ish olib bordi:
1.Talabalarning muvaffaqiyati.
2.Talabalardagi bo‘shliqlari.
Ma’lumki individual ta’lim shaxsga yo‘naltirilgan ta’lim tamoyillariga asoslanadi. Individual ta’lim yondashuvi har bir talabaning o‘z iqtidori, o‘z salohiyatini yuzaga chiqarish, personal potensialidan foydalanish orqali oliy ta’lim samaradorliging oshishiga olib keladi.
Talaba tomonidan modullarning o‘zlashtirilishi, o‘zlashtirgan bilimlarini amaliyotda tezkor qo‘llashi, kasbiy faoliyatga intensiv tayyor bo‘lishini ko‘zlagan holda amaliyotga turli texnologiyalar tadbiq etildi. Bu texnologiyalar talabalar tomonidan tayanch tushunchalarning mohiyatini o‘zlashtirishiga, laborator tarzda amalda bajargan holda ko‘nikma va malakalarni egallashiga yordam berdi.
Shuningdek, tadbirda talabalarning mustaqil taʼlimidagi yangicha yondashuvlar va taʼlimni raqamlashtirish, xususan mustaqil ta’lim dasturi mazmuni, topshiriqlar turi va shakli, ularni elektron kontentda, raqamlashtirilgan platformaga joylashtirish afzalligi hamda zarurati ochib berildi.
Talabalar tomonidan maxsus va inklyuziv ta’limda mavjud muammolar va ularning yechimlari, logopedik amaliyotda tovushlarni nutqqa qo‘yishning davriy bosqichlari amalda ko‘rsatib berildi.
Tadbir davomida Ta’lim menejmenti kafedrasi talabalari individual ta’lim asosida egallayotgan kasbiy kompetensiyasini quyidagi yo‘nalishlar bo‘yicha “Hozir va shu yerda” yondashuviga amal qilgan holda namoyish etishdi:
1. Tadbirning maqsadli va mazmunli o‘tkazilganligi, sifati tahlili.
2. Time Management.
3. Tadbir rekvizitlaridan foydalanish tahlili.
4. Tadbir uchun sarf-xarajatlar tahlili.