Chirchiq davlat pedagogika unıversiteti rektorining 2023-yil 31 yanvardagi “Universitetda talabalarni individual yondashuv asosida ilmiy-tadqiqot ishlariga jalb etish tо‘g‘risida” gi №01-17 sonli va 2 fevraldagi “Universitetning ta’lim jarayoniga individual yondashuv texnologiyalarini tatbiq etish tо‘g‘risida” №01-20 sonli buyruqlari asosida kafedrada talabalarga individual yondashuv asosida ilmiy-tadqiqot ishlariga jalb etish ta’lim jarayoniga individual yondashuv texnologiyalarini tatbiq etish bо‘yicha olib borilayotgan ishlarni natijasi mujassamlangan “Innovatsion ta’lim klasteri doirasida individual yondashuv texnologiyalarini raqamlashtirish” nomli ilmiy-metodik tadbir bо‘lib о‘tdi. Ushbu tadbir maqsadi – ta’limda raqamlashtirishning eng sо‘nggi yutuqlari va individual yondashuv texnologiyalarining samarali qо‘llanilishi bо‘yicha tajriba almashish, ilmiy izlanishlar natijalarini muhokama qilish va kelgusida bu yо‘nalishda amaliy takliflarni ishlab chiqishdir. Tadbirda loyiha metodidan foydalanish orqali amaliy faoliyatni tashkil etish, professor-о‘qituvchilar va talabalar о‘rtasida samarali kommunikatsiyani ta’minlash, dars mashg‘ulotlarida demonstrativ va illyustrativ metodlar asosida, vizual va interaktiv yondashuv metodlari namoyish etildi. Shuningdek dars mashg‘ulotlarida turli yondashuv- nazariy metod asosida, nazariya va amaliyotni uyg‘unlashtirgan metod asosida zamonaviy metodlar bilan solishtirish maqsadida yangi gamifikatsiya metodi, ya’ni darsni о‘yinga aylantirib, bilim olish jarayonini zavqli mashg‘ulotga aylantirish natijadorligi kо‘rsatib berildi.

     Tadbirda talabalar tomonidan mashg‘ulotimiz oddiy darsdan farqli о‘laroq, kelajagimizni shakllantiruvchi zamonaviy yondashuvlarni sahnada namoyish etildi. Ba’zilar aql-idrokka, ba’zilar qog‘ozdagi yozuvlarga tayanar ekan, kо‘pchilik zamonaviy texnologiyalar, xususan, sun’iy intellektga murojaati, bugungi avlod — ChatGPT, Gamma, MidJourney kabi sun’iy intellekt vositalari bilan ulg‘ayayotgan yoshlariga sun’iy intellekt afzalliklari va kamchililari yuzasidan ijobiy tavsiyalar berildi.

     Kafedraga tegishli yo’nalaishlarda xalqaro pedagogik standartlar asosida tashkil etilgan xalqaro о‘qituvchi tayyorlash guruhlari tomonidan ingliz tilida tahsil olayotgan talabalar tomonidan ishlab chiqilgan va “Dasturlash tillari” fanini о‘qitishda zamonaviy “Gamifikatsiya” metodidan foydalangan holda tashkil etilgan innovatsion dars mashg‘uloti ingliz tilida taqdim etildi.

     Tadbir so‘ngida universitet rektori Kimyo fanlari doktori, professor Muxamedov Gafurdjan Israilovich so‘zga chiqib tadbir haqida fikr mulohazalarini bildirdi. Tadbirdan xulosa sifatida universitet rektori tomonidan tadbirda yoritilgan turli metodlar, jumladan sun’iy intelektdan yoshlarni to‘g‘ri foydalanishni targ‘ib qilish bo‘yicha ko‘rsatmalar berdi. Shuningdek universitetda olib borilayotgan xalqaro o‘qituvchilar tayyorlash bo‘yicha olib borilayotgan ishlar ijobiy natija berayotganini ta’kidlab, bu jarayoni yanada takomillashtirish bo‘yicha tavsiyalar berdi.