Toshkent viloyati Chirchiq davlat pedagogika instituti jamoasi Chirchiq shahridagi 8-sonli umumta’lim maktabida o‘tkazilgan “So‘nggi qo‘ng‘iroq” madaniy-ma’rifiy tadbirida ishtirok etdi.

Ushbu maktab TVChDPIning “Pedagogik ta’limning innovatsion klasteri tizimi” doirasida Biologiya fani bo‘yicha tayanch maktab sifatida belgilangan, bo‘lib yangi o‘quv yilidan boshlab institut professor-o‘qituvchilari maktabning o‘quv-metodik bazasini mustahkamlash, ta’lim sifatini oshirish va o‘quvchilarni tabiiy fanlarga bo‘lgan intilishlarini ro‘yobga chiqarishga ko‘maklashadi.

Tadbirda O‘zbekiston Respublikasi Prezidenti Shavkat Mirziyoevning joriy yilning 24 may kuni maktab bitiruvchilariga yo‘llagan Murojaatnomasida ta’kidlangan ishonch, mas’uliyat, yuksak zafarlar va mamlakatimizda ta’lim olish uchun yaratilgan sharoitlar haqida mulohazalar bildirildi.

Sport va chaqiriqqacha harbiy ta’lim fakulteti dekani Telman Sa’dullaevich Ochilov boshchiligida Fakultetlararo jismoniy tarbiya kafedrasi mudiri Abdulaxatov Akrom Ruzimamatovich Chinoz tumanidagi 30-sonli umumta’lim maktabida o‘tkazilgan “So‘nggi qo‘ng‘iroq” tadbirida ishtirok etishdi.

“Maktabgacha va boshlang‘ich ta’lim” fakulteti dekanining yoshlar bilan ishlash bo‘yicha o‘rinbosari B.S.Ahmadaliev, “Maktabgacha ta’lim“ kafedrasi mudiri A.A.Abdullaev Chinoz tumanidagi 15 – sonli umumiy o‘rta ta’lim maktabida “So‘nggi qo‘ng‘iroq” madaniy-ma’rifiy tadbirida ishtirok etishdi. Tadbirda O‘zbekiston Respublikasi Prezidenti Sh.M.Mirziyoevning mamlakatimiz maktablarining bitiruvchi o‘g‘il-qizlariga Murojaati bilan tanishtirdilar.

Institutning Ilmiy ishlar va innovatsiyalar bo‘yicha prorektori O.E.Ziyadullaev boshchiligida institutning Fizika va kimyo fakulteti dekani I.O‘.Tadjibaev, Umumiy pedagogika kafedrasi mudiri S.B.Qoraev Chinoz tumanidagi 6, 8, 15, 18 umumta’lim maktablarida bo‘lib “So‘nggi qo‘ng‘iroq” madaniy-ma’rifiy tadbirida ishtirok etishdi.

Tadbirda o‘qituvchilar, maktabning sobiq bitiruvchilari, deputatlar, davlat va jamoat tashkilotlari hodimlari bitiruvchilarga mustaqil hayot yo‘llarida ulkan zafarlar tiladilar.

Tabiiy fanlar fakulteti dekani O.K.Rahimov boshchiligida Chinoz tumanidagi 22 va 4-sonli umumta’lim maktabiga bitiruvchilarning quvonchli va hayajonli “So‘nggi qo‘ng‘iroq” tadbiriga tashrif buyurib, o‘quvchi-yoshlarni ushbu unutilmas lahzalar bilan tabrikladilar.

Gumanitar fakulteti dekanining o‘quv ishlar bo‘yicha o‘rinbosari A.K.Nafasov, yoshlar bilan ishlash bo‘yicha o‘rinbosari L.G‘.Muxammadiev va o‘qituvchi O‘.R.Saidov Chinoz tumanidagi 29-sonli umumiy o‘rta ta’lim maktabida "So‘nggi qo‘ng‘iroq" tadbirida ishtirok etishdi.

Tadbir ishtirokchilariga O‘zbekiston Respublikasi Prezidenti Sh.Mirziyoevning maktab bitiruvchilariga Murojaatnomasi o‘qib eshittirildi.

Matematika va informatika fakulteti dekani Allanazar Qutlimurodov boshchiligida Matematika kafedrasi mudiri E.Maxkamov, ukituvchi Sunnatillo Vafoev Bo‘stonliq tumanidagi 43-sonli umumta’lim maktabiga bitiruvchilarni quvonchli va hayajonli “So‘nggi qo‘ng‘iroq” tadbiriga tashrif buyurishdi va o‘quvchi-yoshlarni ushbu unutilmas lahzalar bilan tabrikladilar. Tadbirda O‘zbekiston Respublikasi Prezidenti Sh.Mirziyoevning maktab bitiruvchilariga Murojaatnomasida yoshlarga bildirilgan yuksak ishonch, ularning ilm egallashlari uchun yaratilgan sharoit va imkoniyatlar hamda mustaqil hayot ostonasida turgan o‘quvchilarning kelajakdagi maqsadlarini ro‘yobga chiqishida ulkan zafarlar yor bo‘lishini tiladilar. Tadbirda deputatlar, o‘z-o‘zini boshqarish organlari hodimlari, mahalla faollari va o‘qituvchilar ishtirok etishdi.