Tadbirning asosiy maqsadi ijodkor va kitobsevar talabalarni qo‘llab-quvvatlash, ularning o‘qish va shaxsiy rivojlanishiga motivatsiyasini oshirishdan iborat edi.

     Tadbirda Xorijiy til va adabiyoti hamda Maktabgacha va boshlang’ich ta’limda xorijiy til yo‘nalishi talabalari faol ishtirok etdilar. Ular she’rlar o‘qish, qo‘shiq aytish, raqs va teatr chiqishlarini o‘z ichiga olgan rang-barang va jonli dasturlarni tayyorlab taqdim etdilar.

     Ijodiy dasturda talabalarning ijod mahsullari, interaktiv viktorina va sahna ko‘rinishlari namoyish etildi. Bularning barchasi kitob o‘qishni targ‘ib qilish, chet tillarini o‘rganish va ijodiy qobiliyatlarni rivojlantirishga qaratilgan edi.

     Eng faol va iste’dodli ishtirokchilarga universitetning madaniy va ma’rifiy hayotiga qo‘shgan hissalari uchun tashakkurnomalar topshirildi.

     Tadbir iliq va ilhomlantiruvchi muhitda o‘tkazilib, ijodkorlik va kitoblarga bo‘lgan muhabbatning talabalar orasidagi ahamiyatini yana bir bor ta’kidladi.