Rus tili va adabiyotini o'qitish metodikasi kafedrasi hamda Parkent tumanidagi 40-sonli maktabi hamkorlik doirasida kafedra o'qituvchilari Shagiyeva Nargiz, Yunusova Malohat va 4-kurs talabasi Abduvaxitova Go'zal yuqori sinflarda kommunikativ texnologiyalar orqali dars tashkil etishdi.

      Darslar davomida o'quvchilarda kommunikativ ko'nikmalarni rivojlantirish, so'z boyligini oshirish va rus tilini o'rganishga bo'lgan motivatsiyani ko'tarish maqsadida zamonaviy metodlardan foydalanildi. Darslar natijasida maktab o'quvchilarining faoliyati hamda ularning rus tilini o'rganishga qiziqishi aniqlandi. Maktab o'qituvchilari kafedradagi o'qituvchilarga o'tkazilgan saboqlari uchun minnatdorchilik bildirdilar va bunday tadbirlarning o'quvchilar orasida til bilish darajasini oshirish uchun ahamiyatini ta'kidladi. Tomonlar kelgusida hamkorlik qilishga kelishib oldilar, yangi master-klasslar, seminarlar va treninglar o'tkazish rejalashtirilmoqda, bu rus tilini xorijiy guruhlarda o'qitish metodikasini takomillashtirishga qaratilgan.