Chop etdi: OTM axborot xizmati | Ko'rildi: 180 marta
Tegishli bo'limi: Talabalar uchun
![](https://cspu.uz/storage/app/uploads/public/1be/a97/6fc/thumb__1200_740_0_0_crop.jpg)
Tabiiy fanlar fakulteti talabalari tomonidan 2024-yil 29-may kuni "Kreativ pedagog - talaba nigohida" nomli individual yondashuvga asoslangan ko‘rgazmali ilmiy- amaliy seminar o‘tkazildi. Tashkil etilgan seminar Tabiiy fanlar fakulteti talabalar ishtirokida tashkil etildi. Tadbirdan ko‘zlangan asosiy maqsad, bo‘lajak pedagogning dars davomida turli xil metodlardan foydalanib, ta’lim sifati va samaradorligini oshirish borasida bo‘lajak pedagoglar uchun amaliy tavsiyalar berish hamda tajribali professor-o‘qituvchilar bilan fikr almashish nazarda tutilgan.
Seminar davomida har bir ajratilgan guruhlar tomonidan zamonaviy metodlar orqali tashkil etilgan qisqa dars ishlanmalari namoyish etildi. Jumladan:
1 - guruh: Geografiya va iqtisodiy bilim asoslari yo‘nalishi talabalari tomonidan "Yevro Osiyo iqlimi" mavzusida "E-K-B" tamoyili asosida "SMART", "BARAKAN" metodi;
2-guruh: Biologiya yo‘nalishi talabalari "Yerda hayotning paydo bo‘lishi" mavzusida "E-K-B" tamoyili asosida "BARAKAN" metodi;
3-guruh: Talabalari tomonidan "Nafas olish a’zolarining anatomiyasi va fizologiyasi" mavzusida "E-K-B" tamoyili asosida STEAM yondashuvi, "KAHOOT" interaktiv o‘yini;
4-guruh: Talabalar tomonidan "Nuklein kislotalari" mavzusida "E-K-B" tamoyili asosida STEAM yondashuvi, "Oʼxshashlik" metodi;
5-guruh: Talabalar tomonidan "Tim-Chir" va "BLACKBOAD" metodlari asosida amaliy hamda nazariy jihatlar tushuntirib berildi.
Tabiiy fanlar fakulteti tashabbusi bilan tashkil etilgan seminar "eshitdim -ko‘rdim -bajardim" tamoyiliga asoslangan bo‘lib, tabiiy fanlarni o‘qitishga metodik yordam ko‘rsatish, ta’lim sifatini oshirish, o‘qituvchilarni uzluksiz kasbiy rivojlantirish hamda zamonaviy ta’lim yondashuvlarini tadbiq etish hamda dars mashg‘ulotlari va o‘quv jarayonida innovatsion pedogogik texnologiyalar asosida samarali tashkil etish ko‘nikmalarini rivojlantirishga qaratildi.
Tadbirga universitet rektori, fakultet dekanlari, kafedra mudirlari, professor- o‘qituvchilar, shu bilan bir qatorda kafedramiz bilan o‘zaro hamkor Chirchiq shahar va tuman maktablari direktorlari, o‘qituvchilari hamda o‘quvchilari tashrif buyurishdi.