2023-yilning 11-aprel kuni Shavkat Mirziyoyev raisligida yoshlar siyosati sohasidagi ishlar natijadorligini oshirish chora-tadbirlari yuzasidan o‘tkazilgan videoselektor yig‘ilishida yoshlar bandligini ta’minlash, sifatli ta’lim bilan qamrab olish va bo‘sh vaqtlarini mazmunli tashkil etish, ijtimoiy qo‘llab-quvvatlash hamda sog‘lom fikrlashlariga zamin yaratish bo‘yicha tegishli vazifalar belgilab berildi.

     Yoshlar bilan individual ishlashni jadallashtirish, jamiyatdan ajrab qolgan, hayotda o‘z o‘rnini topolmayotgan, yot g‘oyalar ta’siriga tushib qolgan yoshlarni faol hayotga qaytarish oldimizdagi eng muhim vazifa bo‘lib turibdi.

     Xususan, Chirchiq shahridagi "Tinchlik" MFYda 14 nafar o‘g‘il-qiz turli sabablarga ko‘ra, “qizil” toifadagi yoshlar ro‘yxatiga olingan. Ularning barchasi Chirchiq davlat pedagogika universiteti rektori G‘ofurjon Muxamedovga biriktirilgan. Universitet rahbariyati biriktirilgan har bir yoshning muammo va takliflarini to‘liq o‘rgandi. Hozirgi kunga kelib ushbu yoshlarning muammolari bartaraf etildi.

     Yoshlardan biri Tursunbayeva Maftuna Ashurali qizi universitetning Jismoniy madaniyat fakultetiga ijodiy imtihonlarini topshirdi.