Maktabgacha ta'lim metodikasi kafedradi tomonidan “Maktabgacha ta’limda innovatsiyalarni joriy etish va o‘zaro integratsiyalash” mavzusida amaliy-metodik tadbir tashkil etildi. 

     Tadbirning asosiy maqsadi – maktabgacha yoshdagi bolalar bilan ishlashga tayyorlanayotgan talabalarda zamonaviy pedagogik yondashuvlar, individual ta’lim va innovatsion metodikalarni qo‘llash ko‘nikmalarini shakllantirishga qaratildi.

     Tadbir davomida talabalar va professor-o‘qituvchilar tomonidan bir qator amaliy ishlar va loyihalar taqdim etildi. Jumladan, bolalar uchun mo‘ljallangan didaktik o‘yinlar, interaktiv rivojlantiruvchi materiallar, innovatsion texnologiyalar hamda STEAM elementlari asosida yaratilgan mini-laboratoriyalar, ekologik tarbiyaga oid maketlar va ijtimoiy-emotsional rivojlanishga qaratilgan mashg'ulotlar namoyish qilindi.

     Tadbir yakunida universitet rektori, kimyo fanlari doktori, professor Gafurjon Muxamedov  so‘zga chiqib, bu kabi tashabbuslarning maktabgacha ta’lim sifati va tarbiyachi-pedagoglar malakasini oshirishdagi ahamiyatini ta’kidladi.

     Umuman olganda, tadbir maktabgacha ta’lim tizimi uchun raqobatbardosh, zamonaviy fikrlaydigan va ijodkor kadrlar tayyorlashga xizmat qiluvchi samarali maydon sifatida namoyon bo‘ldi.