Yaponiyaning Tokai universiteti Innovatsion hamkorlik markazi ijrochi direktori Chigeru Yamaguchi, Elektrotexnika va elektron muhandislik kafedrasi professori Masaki Asobe hamda Chirchiq davlat pedagogika universiteti rektori, professor G‘ofurjon Muxamedov o‘rtasida uchrashuv bo‘lib o‘tdi. 

     Uchrashuvda Chirchiq davlat pedagogika universiteti professori Baxodir Eshchanov rahbarligidagi Jahon bankining “MUNIS” loyihasi  (ilmiy loyiha qiymati 450 000 AQSH dollari) xususida fikr yuritildi.  Jahon banki talablariga asoslangan ushbu xalqaro ilmiy loyihaning erishilgan ilmiy natijalarini ijobiy baholadi. Universiteti professori Baxodir Eshchanov loyihaning kelgusidagi ilmiy rejalari yuzasidan ma'lumot berdi.

     Xorijlik olimlar Chirchiq davlat pedagogika universitetida ilmiy tadqiqotlarni innovatsiyaga aylantirish metodikasi, shuningdek, startaplar va tadqiqotlarni rivojlantirish bo‘yicha Tokai universitetida olib borilayotgan islohotlar hamda innovatsion ta’lim tizimini rivojlantirish bo‘yicha amalga oshirishi zarur bo‘lgan ishlar to‘g‘risida o‘zi fikrlari bilan bo‘lishdi. 

     Muhokamalar yakunida akademik mobillik dasturlarini amalga oshirish, hamkorlikda ilmiy tadqiqot ishlarini tashkil etish bo‘yicha takliflar tayyorlash  yuzasidan kelishib olindi.