Musiqa ta’limi kafedrasi individual ta’lim texnologiyasi, individual yondashuv va shu orqali ta’lim jarayonini tashkil etilishga qaratilgan amaliy–metodik ko‘rgazmali ta’lim tadbirini o‘tkazdi. Kafedra jamoasi tadbir ko'magida yangilanayotgan musiqa ta’limida musiqa, xonandalik va musiqiy asarlar bo‘yicha nazariy bilim berish, ularning ijrosini o‘rgatish hamda shu yo‘nalishlar bo‘yicha iqtidorli o‘quvchilarni kashf etish metodlariga qaratdi.  

     Innovatsion metodlar orqali musiqa o‘qituvchilarini tayyorlashda ularning cholg‘u ijrochiligi, musiqa san’ati asoslari, qo'shiq ijrochiligi, ansambl va orkestr ijrochiligi bo‘yicha kasbiy bilim hamda ko‘nikmalarini rivojlantirishga urg‘u berildi.   

     Talabalar hozirgi zamon musiqasining ritmik tuzilishi, takt o‘lchovining bir xillikdan chiqishga intilish, keskin farqlanadigan ritmdan foydalanishda talaffuz ham muhim ahamiyat kasb etishini tushuntirdilar. 

     Musiqa ta’limida illyustratsiya metodini asosan plakatlar, cholg‘u asboblari, stend, chizmalar, kompozitorlarning suratlari, jadvallar kabilarda ko‘rsatdilar. 

     Tadbir davomida musiqa fanlarni o‘qitishda zamonaviy texnologiyalarni qo‘llashning ahamiyati ko‘rib chiqildi. Innovatsion ta’lim texnologiyalari va ularning musiqa ta’limiga ta’siri, musiqa ta’limi jarayonini yanada interaktiv, samarali va qiziqarli qilishga yordam berishi misollarda keltirildi.

     Tadbir yakunida universitet rektori, professor G‘ofurjon Muxamedov san’at ma’naviy boy insonlarni tarbiyalashga xizmat qilishini ta’kidladi. Shu maqsadda talabalar turar joylarida musiqa ta’limi to‘garaklarini tashkil etish muhimligi aytildi.