Informatika o‘qitish metodikasi kafedrasi tomonidan “Kasbiy faoliyatda axborot texnologiyalarini qo‘llash” mavzusidagi amaliy-metodik tadbir o‘tkazildi. 

     Tadbirning birinchi qismida ta’lim jarayonini tashkil etishda keng formatli telekommunikatsiya aloqa vositalaridan foydalanish, didaktik va tarbiyaviy muammolarni hal etish, talabalarda bilimlarni o‘zlashtirishga e’tibor qaratildi.

     Ta’lim mobaynida ijodiy qo‘llash va yanada rivojlantirishga bo‘lgan ehtiyojini qondirish mashg‘ulotlar misolida ko‘rsatildi. Individual ta’lim texnologiyasi  asosida talabalarning pedagogik faoliyati uchun zarur bo‘lgan malakalarni shakllantirish tizimini ishlab chiqish masalalari ko‘tarildi.

     Tadbirning ikkinchi qismida turli yo‘nalishlarda, xususan, biologiya , psixologiya va turizm yo‘nalishlarida amaliy mashg‘ulotlar ko‘rsatib berildi. Bu mashg‘ulotlarda “Izlan. O‘rgan. Bajar.”, “Savol – javob” kabi interfaol metodlardan foydalanildi. Har bir yo‘nalishning spesifikasidan kelib chiqib axborot texnologiyalaridan foydalangan holda amaliy mashg‘ulotlar o‘tkazildi. Tomoshabinlarda, ayniqsa, turizm yo‘nalishi uchun ko‘rsatib berilgan MS Power Point 2024 dasturida tayyorlangan reklama roligi katta qiziqish uyg‘otdi. 

     Tadbirning uchinchi qismi mustaqil ta’lim elementi sifatida ko‘rsatilgan “Kasbiy faoliyatda axborot texnologiyalari” to‘garagi mashg‘uloti tahlil qilindi. Unda kimyo yo‘nalishi uchun “Avogadro” ochiq kodli dastur bilan ishlash hamda bugungi kunning dolzarb masalasi bo‘lgan “Sun’iy intellekt” haqida tushuncha berildi.

     Tadbirning to‘rtinchi qismi oliy ta’limda tarbiya masalasiga bag‘ishlandi. Tadbir so‘ngida barcha ishtirokchi talabalar universitet rektori G‘ofurjon Muxamedov boshchiligida sertifikat va esdalik sovg‘alari bilan taqdirlandilar.