Milliy tiklanish partiyaning Toshkent viloyati Kengashi tashabbusi bilan Chirchiq davlat pedagogika universitetida “Qadrimiz, qadriyatlarimiz va qadrlilarimizni asraylik” shiori ostida maʼrifiy targ‘ibot tadbiri o‘tkazildi.
Tadbirda partiyaning dasturiy vazifalaridan kelib chiqib, Chirchiq davlat pedagogika universitetida talaba-onalar uchun sharoitlarni yaxshilash, qizlarni oilaviy hayotga tayyorlash, erta nikohning oldini olish masalalari muhokama qilindi. Bu borada talabalarning fikr-mulohazalari o‘rganildi, yaratilgan shart-sharoitlar bilan tanishildi.
