Rektorimiz G‘ofurjon Muxamedov universitet Kengashi yig‘ilishi doirasida milliy va xalqaro sport musobaqalari g‘oliblari bilan uchrashdi. 

     Uchrashuvda velosport bo‘yicha Tailandda o‘tkazilgan Osiyo chempioni Hakimova Shahnoza, kurash bo‘yicha "Universiada 2025" sport musobaqasi chempioni Muxibiddinov Samariddin, O‘zbekiston futbol federatsiyasi tomonidan tashkil etilgan turnir sovrindorlari, "Talabalar ligasi" sport musobaqasi hududiy bosqichi g‘oliblari, universitet Kengashi a’zolari, Jismoniy madaniyat fakulteti ma’muriyati, "Pedagog" talabalar sport klubi rahbariyati, kafedra mudirlari qatnashdi.

     Rektorimiz G‘ofurjon Muxamedovning so‘zlariga ko‘ra, Chirchiq davlat pedagogika universitetida sport ta’limi drayver sohaga aylanib borayotganligi, sportchi-talabalar nafaqat sport bilan, balki ilm-fan bilan ham jiddiy shug‘ullanayotganligini bildirdi. Buning natijasida universitetda Pahlavon Mahmud nomli davlat stipendiyasiga sazovor talabalarning soni ortib borayotganligini quvonarligi ta’kidlandi.

     – Sizlar erishgan yutuqlar tinimsiz jismoniy mashqlar bilan birga, bilim, malaka, iroda va pok niyat samarasidir, – dedi Rektor. – Ulug‘ mutafakkir bobomiz Hakim Termiziy aytganlaridek, «Inson biron narsani yo‘qotsa, qayg‘urmasligi kerak. Faqat niyatni yo‘qotsa, qayg‘urishi kerak. Chunki har qanday xayrli ish pok niyat bilan ijobat bo‘ladi».

     – Universitet rahbariyati bilan uchrashuv biz uchun muhim bo‘ldi. Murabbiylar jamoasi va sportchilarga qayta aloqa olish yoqadi. Biz natijalarimizni kuzatib borayotganini his qilamiz va ular faqat bizga emas, balki boshqalarga ham quvonch olib keladi. Qo‘llab-quvvatlashni his etib, yanada yaxshi natijalar ko‘rsatishga intilamiz, – deydi Osiyo chempioni Hakimova Shahnoza. 

     Universitet rahbari yaqin kunlarda ochilishi kutilayotgan Jismoniy madaniyat fakulteti kampusi va sport majuasi haqida ham fikr bildirdi.