Chirchiq davlat pedagogika universitetida o‘tkazilgan "Rektor va yoshlar" uchrashuviga  Sa'natshunoslik, Boshlang'ich ta'lim, Pedagogika, Matematika va informatika fakulteti talabalari taklif etildi hamda yoshlarning yangi g‘oya va iqtidorini qo‘llab-quvvatlash ezgu maqsadlarga qaratildi.

     Ochiq muloqot shaklida tashkil etilgan uchrashuv doirasida universitet rektori G‘ofurjon Muxamedov  pedagoglar tayyorlash tizimida olib borilayotgan islohotlar haqida alohida to‘xtalib o‘tdi. Shuningdek, ChDPU infratuzilmasi va talabalarga yaratilgan sharoitlarni yanada yaxshilash yuzasidan amalga oshirilayotgan ishlar haqida ham ma’lumot tinglandi.

     Uchrashuvda universitetning strategik muvaffaqiyatlarida talabalarning alohida o‘rni borligi va universitet rivojida yoshlarning g‘oyalari, ularning amalga oshirayotgan ishlari muhimligi ta’kidlandi.

     Ochiq muloqotda yoshlar o‘zlarini o‘ylantirayotgan masalalar, qiziqtirayotgan savollar va takliflari bilan o‘rtoqlashdi.