Chirchiq davlat pedagogika universitetida Oʻzbekiston Respublikasi Prezidenti Sh.M.Mirziyoyev tomonidan 2023 yil 22 dekabr kuni Respublika Ma'naviyat va ma'rifat kengashining kengaytirilgan yigʻilishida ilgari surilgan muhim tashabbuslari ijrosi yuzasidan Gumanitar fanlar fakulteti talabalari tomonidan “Shaytonning tangriga isyoni" nomli spektakl namoyishi boʻlib oʻtdi. 

     Talabalar spektakl orqali o‘z hayotini, ilmini, mehnatini vatan va millat ravnaqiga baxshida etgan, jahon taraqqiyotiga o‘zining benazir hissasini qo‘shgan ulug‘ ajdodlarimizdan biri Abdurauf Fitrat ijodiga e’tibor qaratishdi.

     Spektaklda, shaytonning ozodlikka, ilm-fanga chorlashi, hayotga ochiq ko‘z bilan qarab, o‘z kuchiga suyanib ish tutishga undashi, albatta, Fitratning bilvosita, kinoya, qochirim yo‘li bilan aytgan fikrlari oʻz aksini topgan.