Chirchiq davlat pedagogika universiteti rektori G‘ofurjon Muxamedov talabalar shaharchasida uyushtirilgan sumalak saylida ishtirok etdi va talabalar bilan iftorlik qildi.  Unga universitet professor-o‘qituvchilari,  fakultet dekanlari va tarkibiy tuzilma rahbarlari ham hamrohlik qilgan. 

     Universitet rahbariyati, fakultet dekanlari va kafedra mudirlarining Ramazonda talabalar bilan birgalikda og‘iz ochishi an’anaga aylangan deyish mumkin.  

     Universitet jamoasi iftorlikka qadar Talabalar shaharchasida tashkil etilgan turli tadbirlar,  milliy marosimlar namoyishlari, talabalar o‘rtasida o‘tkazilgan tanlovlarda ishtirok etishdi. 

     Talabalar shaharchasida tunga qadar bayram tadbirlari davom etdi.