Maktabgacha ta’lim fakulteti va 1-talabalar uyi hamkorligida tashkil etilgan sayl «Har kuningiz Navro‘z bo‘lsin! » deb nomlandi.  

     Universitet rektori, professor G‘ofurjon Muxamedov Navro‘z bayrami millati, tili va dinidan qat’i nazar, universitetimiz yoshlari orziqib kutadigan, umumxalq bayrami ekanligini qayd etdi.  

     Navro‘z tarixiga oid ma’lumotlar, milliy urf-odatlarimizga oid badiiy chiqishlar barchaga ko‘tarinki kayfiyat ulashdi.  

     Iftorlik oshi oldidan fakultet talabalari o‘rtasida xalq o‘yinlari, turli ko‘rik-tanlovlar o‘tkazildi. Saylda talabalar tomonidan lapar,  yalla, aytishuvlar ijro etildi.