“Ta’lim ziyosi” gazetasi fevral oyida o‘z muxlislari uchun yana bir sonini nashrdan chiqardi. Ushbu son o‘ziga xos dizayn va kontentga ega bo‘lib, unda ta’limiy-ma’rifiy mavzudagi maqolalarni o‘qishingiz, universitetimizda amalga oshirilayotgan islohotlar haqida xabarlar bilan tanishishingiz mumkin.
Yangi shaklda chop etilgan gazeta mushtariylar tomon yo‘lga chiqdi.
Gazetamizning ikkinchi sonida quyidagi mavzulardagi maqolalar bilan tanishishingiz mumkin:
“Talabalar Indoneziya sari” nomli maqolada xalqaro pedagog-kadrlarni tayyorlash yo‘lidagi xorijiy ta’lim muassasalari bilan aloqalar haqida so‘z boradi. Ushbu mo‘jazgina maqolada til bilishning ahamiyati keltirib o‘tilgan. “Havasimga hassa bo‘lganlar” nomli hayotiy hikoyada Maxsus pedagogika kafedrasi dotsenti Ubayda Yunusovaning ma’rifat yo‘liga nazar tashlangan. Ubayda Yunusova timsolida Chirchiq davlat pedagogika universiteti inklyuziv ta’limning seysmik markazi sifatida baholangan.
Bundan tashqari, gazetamizning ushbu sonida "O‘qishni tashlab kelganimdan afsuslanmayman", “Ham talaba, ham ona, ham pedagog” nomli maqolalar va ijodkor yoshlarimizning she’rlari bilan tanishishingiz mumkin.