Bugun, 20-may kuni Chirchiq davlat pedagogika universiteti rektori G‘ofurjon Muxamedov yurtimizga tashrif buyurgan Lyublin texnika universiteti professori Marek Milosh boshchiligidagi delegatsiya a’zolari bilan uchrashdi.

     Uchrashuv davomida ingliz tilidagi yangi monografiyalar taqdim etildi, ular Polsha va O‘zbekiston mualliflari tomonidan yozilganligi ta’kidlandi. Lyublin texnika universiteti xodimlari va o‘zbekistonlik olimlar hamkorlikda tashkil etilgan ilmiy ekspeditsiyalar natijalari haqida fikr yuritildi.

     Kelgusidagi hamkorlik va ilmiy maqsadlar yuzasidan fikr almashdilar. Uchrashuv so'ngida universitet rektori G‘ofurjon Muxamedov kelajakda ikki universitet orasida hamkorlik ishlari yana ham unumli bo‘lishiga umid bildirdi.