Yoshlarni vatanparvarlik va ona yurtga muhabbat,  milliy qadriyat va an’analarimizga hurmat,  shonli tariximizni chuqur bilish ruhida tarbiyalash maqsadida Chirchiq davlat pedagogika universitetida faxriylar va yoshlar ishtirokida “Uch avlod uchrashuvi” o‘tkazildi. 

     Uchrashuvda mamlakatimizda inson omiliga yuksak e’tibor berilayotgani,  davlatimiz rahbari tashabbusi bilan jamiyatimizning har bir a’zosiga g‘amxo‘rlik,  mehr-oqibat ko‘rsatilayotgani,  inson qadr-qimmati,  uning orzu-niyatlarini ro‘yobga chiqarishga imkoniyat yaratib berish ustuvor vazifaga aylangani alohida ta’kidlandi. 

      Yoshi ulug‘ faxriylar hayoti va mehnat faoliyati davomida to‘plagan boy tajribasi,  yoshlik davridagi o‘ziga xos qiyinchiliklar,  mehnat pallasidagi mashaqqatlar,  nihoyat nuroniylik paytida ko‘rsatilayotgan hurmat-ehtirom haqida o‘z dil so‘zlarini,  samimiy fikrlarini bildirdi.

     Hamkorlikda o'tkazilgan tadbirda 

- “Nuroniy” jamg‘armasi Chirchiq shahar bo‘limi raisi Yuldashev Olim Rixsimovich;

-  O‘zbekiston "Veteran" jangchi - faxriy va nogironlari Birlashmasi Chirchiq shahar bo‘linmasi raisi Xalilov Akbarali Begmuratovich;

- Chirchiq shahrida yashaydigan nuroniy otaxon va onaxonlar hamda universitet jamoasi ishtirok etdi.