Joriy yilning 24-sentabr kuni Turizmni rivojlantirish davlat qo‘mitasi tomonidan ta’sis etilgan “Turizm fidoyisi” ko‘krak nishoni turizm sohasini rivojlantirishga va ommalashtirishga munosib hissa qo‘shgan bir guruh davlat organlari xodimlari, jamoat tashkilotlari, tadbirkorlik subyektlariga tantanali ravishda topshirildi.

   Quvonarlisi, universitetning umumiy kasbiy va ixtisoslik fanlari kafedrasi mudiri Shahnoza Shomurodovaning hududlarda turizm salohiyatini oshirish va ushbu sohada malakali kadrlar tayyorlashdagi samarali faoliyati e’tirof etildi va “Turizm fidoyisi” ko‘krak nishoni bilan taqdirlandi.

   O‘zbekiston Respublikasi Tabiat resurslari vaziri Aziz Abduhakimov tomonidan mazkur ko‘krak nishonlari tantanali ravishda topshirildi.

Universitet jamoasi ustozimizni ushbu yuksak e’tirof bilan samimiy qutlaydi!