ChDPU sahnasida Musiqa ta’limi sirtqi bo‘lim bitiruvchilarining hisobot kontserti bo‘lib o‘tdi. Kontsert musiqa san’atining barcha yo‘nalishlarini qamrab oldi. Tadbirning maqsadi – musiqa san’atini har tomonlama qo‘llab-quvvatlash, talabalarning ijodiy tafakkurini rivojlantirish, talabalarni musiqa tilida  so‘zlashishga chorlashdir.

     "An’anaga ko‘ra, kontsert dasturi klassik musiqa namunalari, o‘zbek milliy ashula va laparlari hamda jahon xalqlari musiqalaridan tuzilgan. Hisobot kontsert Musiqa ta’limi kafedrasi tomonidan talabalarga ta'lim berish bo‘yicha olib borilgan ishning o‘ziga hos ijodiy hisobotidir. Shu bilan birga, bu ham professor-o‘qituvchilarning, ham talabalarning kasbiy mahoratini baholaydigan jiddiy imtihondir"  – deydi Musiqa ta’limi kafedrasi mudiri Shohida Maxkamova.

     Musiqa ta’limi kafedrasi tomonidan tashkil etilgan tadbir zamonaviy musiqa ta’limining badiiy ifoda vositasi, keng qamrovi va yutuqlarini  o‘zlashtirish sohasida talabaga individual yondashuvi bilan diqqatga sazovor. Hisobot kontserti universitet madaniy hayotida muhim ahamiyatga ega bo‘ldi.