Bugun Chirchiq davlat pedagogika universitetida navbatdagi onlayn-ma’ruza bo‘lib o‘tdi.   Unda nemis tili ta’lim yo‘nalishi talabalari ishtirok etishdi.  

"Xorijiy tillarni o‘qitishda madaniyatlararo muloqot" - aynan shu mavzusiga bugungi ma’ruza bag‘ishlandi.   Mahorat darsini Germaniya Federativ Respublikasi Westfälische Wilhelms-Universität Münster lektori Islomov Sanjar Ruzikulovich bordi.  

Ma’ruza davomida xorijiy tillarini o‘qitishda til o‘rganuvchilarida madaniyatlararo muloqot kompetensiyasini shakllantirish masalasi muhokama qilindi.   Tili o‘rganilayotgan mamlakat madaniyatiga xos bo‘lgan aniq va hayotiy vaziyat,   haqiqiy an’analar,   odatlar va qarashlar,   shuningdek kundalik xatti-harakatlar,   noverbal muloqot shakllarini o‘zlashtirish munimligi ta’kidlandi. 

Ma’ruza so‘nggida talabalar bugungi mavzuga oid savollar berishdi.

Ma’lumot o‘rnida:   Nemis tili kafedrasi hamkorlik o‘rnatayotgan mazkur universitet QS World University Rankings da 356 o‘rinda,   Germaniyadagi 10 ta eng yaxshi universitetdan biri sanaladi.