Bugun Chirchiq davlat pedagogika universitetiga Germaniyaning Toshkentdagi elchixonasi maxsus vakili,madaniy va siyosiy ishlar bo'yicha attashe Janob Klemens Shvanxold,  Goethe Insititut rahbari o’rinbosari Janob Walter Sabiel tashrif buyurdi.

     Delegatsiya vakillari tashrif doirasida universitet rektori, professor G‘ofurjon Muxamedov bilan uchrashdi. 

     Muloqot davomida nemis tilini o’qitish va o’rganish mexanizmini takomillashtirish, talabalarning kasbiy sifatlarini oshirishda va amaliyotlarini mazmunli tashkil etish sohalarida ikki tomonlama hamkorlikni yanada kengaytirish masalalarini muhokama qildi.

      "Chirchiq davlat pedagogika universitetini tanlaganligimiz bejiz emas. Universitetda nemis tili ta’limi sifati yuqoriligi e’tiborimizni tortdi", dedi Goethe Insititut rahbari o’rinbosari Janob Walter Sabiel.

     Tashrif asnosida Chirchiq davlat pedagogika universiteti hamda Goethe Insitituti o‘rtasida o‘zaro hamkorlikning yangi istiqbollari belgilandi. "DLL (Deutsch lehren lernen)  – olmon tilini o‘qitishni o‘rganish" dasturini Chirchiq davlat pedagogika universitetiga joriy qilish bo‘yicha hamkorlik shartnomasi imzolandi.

     Nufuzli mehmonlar universitet yoshlariga yaratilgan sharoitlar bilan tanishdi. 

     R.S.: "DLL" - nemis tilini chet tili sifatida o‘rgatish bo‘yicha joriy tadqiqotlar hamda nemis tili o‘qituvchilarini tayyorlash, qayta tayyorlash va malakasini oshirishga innovatsion yondashuv - harakat orqali tadqiqotga asoslangan. Ushbu zamonaviy o‘quv dasturini ta’lim jarayoniga kiritishdan asosiy maqsad nemis tili o‘qituvchilarining uslubiy va til ko‘nikmalarini yanada takomillashtirish sanaladi.