Chop etdi: OTM axborot xizmati | Ko'rildi: 102 marta
Tegishli bo'limi: Uchrashuvlar
![](https://cspu.uz/storage/app/uploads/public/69e/72a/e54/thumb__1200_740_0_0_crop.jpg)
Xalqaro darajadagi pedagog kadrlarni tayyorlash g‘oyasi asosida faoliyatini tashkil etayotgan ilk oliygoh – Chirchiq davlat pedagogika universiteti 2024-2025 o‘quv yiliga tayyorgarlik ko‘rib barobarida xoijiy oliy va ilmiy muassasalar bilan o‘zaro hamkorlik aloqalari diapazonini kengaytirishga intilmoqda.
Joriy yilning 12-iyun sanasida Chirchiq davlat pedagogika universiteti rektori, professor G‘ofurjon Muxamedov qabulida Frayburg universiteti professori, janob Yohannes Keller-Herder, professor Viktoriya Keller-Herder xonim va Olmon-O‘zbek ilmiy jamiyati rahbari, professor Xurram Rahimov ishtirokida suhbat bo‘lib o‘tdi.
Uchrashuvda yangi o‘quv yilida nemis tilini o‘rgatishni yanada rivojlantirish hamda universitet nemis tili o‘qituvchilarning ilmiy-pedagogik salohiyatini oshirish, 2025-yildan boshlab Germaniyada ChDPU professor-o‘qituvchi va talabalar uchun yozgi ta’lim lagerlarini tashkil etish masalalari muhokama etildi. Universitetning strategik maqsadi – xalqaro o‘qituvchi tayyorlash masalasida hamkorlik qilish imkoniyatlari tahlil qilindi.
Suhbat yakunida “Olmon-O‘zbek ilmiy jamiyati” ilmiy loyihalasi doirasidari universitet olimlari hammuallifligida nashr etilgan “O‘zbek sehrli ertaklari tipologik katalogi” to‘plami esdalik uchun topshirildi.