Chirchiq davlat pedagogika universitetida O‘zbekiston xalq shoiri Zulfiya Isroilova tavalludining 110 yilligi keng nishonlandi.

     Tadbirda Toshkent viloyatdagi keng jamoatchilik  vakillari, adabiyotshunoslar, ijodkorlar, o‘qituvchilar hamda talaba-yoshlar ishtirok etdi.  

     Shoira hayoti va ijodiy merosi, adabiyotimizga qo‘shgan bebaho hissasi, uning ijodidagi Vatanga muhabbat, ayollarga bo‘lgan hurmat, insoniy qadriyatlar targ‘iboti haqida so‘z yuritildi. Zulfiya ijodidan namunalar o‘qilib, uning she’rlari asosida yaratilgan musiqiy chiqishlar namoyish etildi. Yosh ijodkorlar tomonidan shoira asarlaridan ilhomlanib yozilgan she’r va hikoyalar yig‘ilganlarning  e’tiborini  tortdi.

     Ushbu ma’naviy-ma’rifiy tadbir yosh avlodga Zulfiya merosini teran anglash, uning ijodi orqali milliy qadriyatlar va ma’naviyatni mustahkamlashga xizmat qiladi.